Francisco Álvarez González (Xixón, 1970) foi´l ganador del Concursu de Cuentos pola Oficialidá del Asturianu, que convoca´l Conceyu Bimenes y qu´esti añu llegó a la so decimonovena edición. El primer premiu, dotáu con 600 euros, foi pa la so obra ¿El fotógrafu de la lluna¿. El segundu premiu, dotáu con 450 euros, foi pal cuentu ¿Perda¿, de Montserrat Garnacho Escayo (Mieres, 1952), y Laura Marcos Domínguez (Mieres, 1982) algamó´l tercer premiu, al que se-y apurren 300 euros, con ¿Rexicidiu¿.

Nesta edición el xuráu tuvo compuestu polos escritores Xulio Vixil Castañón, Pablo Rodríguez Alonso y Ana Esther Martínez Sierra, amás de pol Alcalde Bimenes, Aitor García Corte, y el técnicu responsable de la Estaya de Cultura, Daniel Cueli Canto, que ficieren les funciones de Presidente y Secretariu respeutivamente.

La entrega de premios cellebraráse´l vienres 8 de xunetu, de magar les 19:30 hores. Si´l tiempu lo permite fadráse al aire llibre, nel parque públicu de Rozaes (Bimenes) y tres l´actu protocolariu, y la llectura del cuentu ganador na voz del so autor, actuará´l monologuista Carlos Alba, col so personaxe Sindo representando ¿Tengo casería¿¿.