Dende l´Ayuntamientu Bimenes yá podemos compartir con toes vosotres el cartelu y el trípticu de les XX Xornaes Gastronómiques del Gochu. Nunos díes podréis tenelos en papel¿ Como veis, les principales novedaes d´esta edición tan especial son el cambiu de feches (sábadu 10 y domingu 11 d´avientu; retrásense una selmana pa nun coincidir cola fiesta de Santa Bárbola, en Piñera) y una de les participaciones más altes d´estos venti años: cuatro restaurantes ellaboraron menús pa xintar y cenar y otros trés chigres ufierten tapes. Como complementu, la XII Feria Agroalimentaria de Bimenes, una cita yá tradicional que va tener llugar na pista cubierta del Colexu Públicu Martimporra na mañana del domingu día 11 con venta de productos agroalimentarios y artesanos, actuaciones musicales, talleres infantiles, preba de sidra y una esposición perguapa, ¿Pequeñes obres d´arte feches coles manes¿ (manualidaes de Mª Sandita Vigón Piñera). Esi fin de selmana nun tenéis escusa pa nun salir de casa, los yerbatos, y nun venir a Bimenes, los foriatos.

triptico