L’Ayuntamientu Bimenes t’acabante de convocar el XV Concursu de Cuentos pola Oficialidá del Asturianu.

Los cuentos que se presenten al certame han de tar redactaos en llingua asturiana y nun pasar de les diez fueyes, mecanografiaes a doble espaciu y per una sóla cara. El plazu de presentación de trabayos fina’l 30 de mayu. L’apertura pliques tendrá llugar el 26 de xunu y l’actu institucional d’entrega premios cellebraráse, como ye vezu, nos primeros díes del mes de xunetu. L’importe económicu de los premios na presente edición son: 700 € pal primeru, 450 € pal segundu y 300 € pal terceru.

Los cuentos, de los qu’hai que presentar l’orixinal, trés copies y una copia más en versión informática, han d’unviase a la direición que vien darréu: Ayuntamientu Bimenes. Martimporra, s/n. 33527 – Bimenes. Nel archivu adxuntu a esti corréu lletrónicu puen consultase les bases completes del certame.

Bases de XV Concursu Cuentos Pola Oficialidad