noticia -Bimenes conmemora la Selmana de les Lletres Asturianes convocando una nueva edición del so concursu de cuentos

Bimenes conmemora la Selmana de les Lletres Asturianes convocando una nueva edición del so concursu de cuentos

El Conceyu Bimenes t´acabante de convocar el XXII Concursu de Cuentos pola Oficialidá del Asturianu. Los cuentos que se presenten al certame han de tar redactaos en llingua asturiana y nun pasar de les diez fueyes, mecanografiaes a doble espaciu y per una sola cara. El plazu pa la presentación de trabayos fina´l 31 de xunetu y l´importe económicu de los premios ye de 600 euros pal primeru, 450 euros pal segundu y 300 euros pal terceru. Los cuentos, de los qu´hai que presentar l´orixinal, trés copies y una copia más en versión informática, han d´unviase a la direición que vien darréu: Ayuntamientu Bimenes. Plaza de Miranda de l Douro, s/n. 33527 Martimporra. Ye de destacar el compromisu del Conceyu Bimenes en caltener esti certame lliterariu y l´esfuerzu qu´ello-y supón, yá qu´esta edición, como nes de los últimes años, nun cuenta con nengún sofitu económicu esternu.

NEL ARCHIVU ADXUNTU APÚRRENSE LES BASES DEL CONCURSU EN FORMATU PDF.

Documentos